Chidda è la so finestra

Mille cose sai tu,
mille discopri
che son celate al semplice pastore
(Leopardi)



Chidda è la so finestra,
ca iu ugni sira taliu,
e tu sai cu' mi ci puorta,
abbannunu li piecuri ugni notti
e taliu intra dda casa.
Cuannu li luci s'astutnu
li stiddi ddivintanu ciù 'ranni,
pari ca 'rapiss'ru l'occhi pi taliarla,
idda dormi e sa chi anzunna.
Bedda luna, tu u sai chi anzunna?
Cuannu dormi pari 'na picciridda,
na pupa 'i zucchiru, talia.
Ca mi scantassi macari a tuccarla
a lassassi misa nta vitrina pi nun rumpila.
Idda dormi e nun sapi ca sugnu cca,
ca nun puozzu dormiri cchiù
picchì idda trasissi ni me 'nsonni
e iu murissi s'arrivigghiann'm
nan truvass o sciancu a mia.
Bedda luna, tu a viristi.
Havi dui occhi ca parnu dui stiddi,
quannu riri par nu scrusciu d' campaneddi,
la so bucca è 'n petalu d' rosa
s'ha tagghiatu li capiddi
ma a mia sempri bedda mi pari.
Si sulu iu ci putissi parrari ...
Ma chi c'assa cuntari, luna bedda?
Ca iu scola nun ni aíu
sulu i me pecuri m'ascutnu
com c' l'assa far capir
ch'idda è ppi mia chiossai do suli,
chiossai di l'acqua pí campagni,
chiossai du ventu ca se porta
la simenza di li sciuri
e li fa spuntari tantìcchia cchiù sutta,
unna oggial'annu nun c'erinu?
S'iu fussi nu gran signurì
vinissi cca cu 'na macchina lucenti,
u cappeddu 'n testa, na cravatta e cu l'ucchiali,
ma purtassi 'n giru ad accussì, n'capu na manu,
nan facissi taliari e tuccari di nuddu.
Poi a sira a stringissi tanticchia,
idda puiass a testa 'ncapu a mi spadda,
e s'iu assa moriri ddu mumentu,
luna mia, saria cuntentu,
picchì puru ca campassi autrí cent'anni,
campiria sulu ppi chiddu.
Ma purtassi a ballari menzu i gigghí,
vulissi cucchiari u cielu, i stiddi e u suli p'arrigalarcili.
Ma chi si n'assa fari?
Ca si sulu s'affacciassi a sti mumentu,
li stiddi trimass'ru, e tu luna, scumparissi,
e sta sicura ca dumani u suli
nun spuntassi, picchì ci ni fuss n'autru
a 'ddumar i strati.
I griddi nun si sentinu cchiù,
a stagiuni sta finennu.
Ma s'idda s'affacciassi
u 'nvernu turniria 'ndarrera,
la ciuri spuntassíru n'autra vota,
li fogghi fussiru sempri virdi e taccati all'arbulu.
Bedda luna, tu ca ci poi 'ntrasiri 'nta stanza,
taliala na vici, e dimmi chi sta facennu.
"Nun po'dormiri, pensa a tia!"
Si tu m'arrispunnissi ad accussì,
u baccanu du mi cori u sintissiru pi tutta a strata,
putissiru pinsari ca nesci u Santu,
tanta fuss a maschiata n'to mi pettu.
Lassila dormiri, bedda luna,
mannici tanticchia di ventu a purtarci 'na carizza mia,
na carizza di 'n disgraziatu
ca ci vulissi dari lu munnu
e nun ci po' dari nenti,
ca l'unica cosa ca ci putiva dari era u mi cori,
e già cciù dessì.
Sta lurnennu, bedda luna,
megghiu ca mi ni ju prima ca so matri grapi li finesci,
ci lassu ca sutta i soliti ciuri,
cu sapi si su penza ca ci l'aia purtatu iu,
o macari si fijura ca statu n' principi.
Sugnu vigghiantu e nan puozzu vidiri,
ma u me cori e ddà,
e dorm' 'ncapu 'u so chiumazzu.